Eguaztenean ipuin kontaketa, 5 urtetik gorako umeendako

Oihulari Klowneko Dorleta Kortazarrek ipuin kontaketa saioa eskainiko du datorren eguaztenean. Kulturateko Jokin Zaitegi gelan izango da, eta, 18:00etan hasita, ordubete inguru iraungo du kontaketak. 5 urtetik gorako umeek, beraz, aukera aparta izango dute irudimena dantzan jarri eta literaturaz gozatzeko. Gainera, bertaratu nahi dutenek ez dute sarrerarik ordaindu beharko, ez umeek, ezta gurasoek ere.