Mikel Gonzalez: "Dinamika on batean sartzeko gogoz gaude"

Mikel Gonzalez Gontxa Realeko jokalaria ondo ari da errekuperatzen lesiotik: lan saioetan ikusi dugu eta litekeena da pare bat aste barru hamaikakoan egotea; ez da ausartu, baina, data bat ematera. Taldearen egoerari buruz galdetuta, dinamika on batean sartzeko gogoa eta itxaropena erakutsi ditu, eta uste du pasa den asteburuan Sevillaren kontra lortutako garaipenak lagundu dezakeela horretan.

Atzo, eguaztena, Galdegazte saiora etorri zela aprobetxatuz, jaso genituen jokalari arrasatearraren adierazpenak. Datorren eguaztenean, 22:00etan, ikusi ahal izango da saio hori; Aretxabaletako Kurtzebarri institutuko ikasleek egin zioten elkarrizketa, Miren Arregiren  gidaritzapean.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.