Lehenengo zatia oso parekatua izan da; bi taldek defentsan baino erasoan ibili dira fin eta markagailuak 17-17ko emaitza erakusten zuen. Gartziaren arabera, defentsako lana ez da existitu lehenengo zatian; 17 gol jasotzea eta partidua irabazi nahi izatea ez datozelako bat.
Hori ikusita, aldagelatik bueltan atzean gogotik lan egin dute Ford Mugarriko mutilek eta lehenengo hiru-lau minutuetan partidua apurtzea lortu dute 5-1eko partzialari esker. Bigarren zatian 9 gol bakarrik jaso dituzte eta 18 egin dituzte. Gartziaren arabera, 5-1eko partzialaren ostean "ez da partidurik egon", Askartzako jokalariak erlaxatu egin dira eta ez dute askorik borrokatu. Lehia amaitu artean, lau edo bost goleko aldea mantendu dute etxekoek eta azken txanpan hori handitu dute 35-26 amaitu arte.
Garaipen erosoa lortu du Ford Mugarrik (35-26)
Quiron Askartzaren aurkako partidua gogorra izan behar zela uste arren; espero baino errazago irabazi dute Pablo Gartziaren mutilek. Bigarren zatian defentsan egindako lanaren garaipenari esker, sailkapeneko goiko postuetan jarraitzen dute borrokan arrasatearrek.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak
