Giro polita sortu zen gaztetxean atzo gauen. Lehenengo Libek girotu zituen bazterrak eta ondoren etorri ziren etxekoak, Angerrekoak. Sute perfektua aurkeztu gura zieten arrasatearri, etxeko zaleei, eta oso gustura jardun zuten oholtza gainean: "Oso gustura egon ziren. Etxean jotzeak bi alderdi ditu: bata, zaleen berotasuna eta bestea tentsio puntua. Baina oraingoan berotasuna izan zen nagusi", jakinarazi du Haritz Zubiatek, Angerren inguruan ibiltzen den kideak.
Diskoa Durangoko Azokan aurkeztu zuten, hortaz, zale askok ondo ezagutzen zituzten abesti berriak: "Abesti apur bat ezberdinak dira, baina iritzi onak jaso ditugu han eta hemen eta zaleek ere oso ondo hartu dituzte", dio Zubiatek. Abesti berriak azken hiru diskoetako beste batzuekin tartekatu zituzten.
Datorren astean Eibarren
Behin etxean aurkeztuta, orain hara eta hona ibiliko dira: "Urtebetean behintzat kontzertuetan ibili gurako genuke, jotzeko gogoz daude-eta. Kontzertu batzuk dagoeneko zehaztuta ditugu eta beste batzuk lotzen gabiltza", adierazi du Zubiatek. Datorren astean, otsailaren 27an, hain zuzen ere Eibarren joko dute Beleko tabernan.
