Dena den, ezer ez dago erabakita eta Isasik argi dauka partiduz partidu egin behar dutela aurrera, etxetik kanporako irteeretan taldeak "sufritu" egiten du-eta.
Gernikan izango dute hurrengo partidua, domekan, 13:00etan. Norgehiagoka "zaila" aurreikusten du Isasik. "Belar artifizialean entrenatu eta jokatzera ohituta gaude, eta euren zelaia erabat lokaztuta egongo da", azaldu du. Jokoaren erritmoa, beraz, geldoagoa izango da, eta erresistentzia izango dute arrasatearrek erronka nagusia.
Hori jakinda, entrenamendu berezia egin dute Eibarren, belar naturalean, eta Isasi baikor agertu da. "Badakigu talde ona daukagula. Horregatik, saiatuko gara taldean jokatzen eta euren jokoan ez jausten, ea horrela lau puntuak lortzen ditugun", esan du.