2014ko ekitaldiaren ezaugarri orokorrak kontuan hartuta, Laboral Kutxak balantze orekatua, likidezia-maila bikaina eta kapitalizazio handia izan ditu ekitaldia ixtean, entitateko iturriek jakitera eman dutenez.
Azaldu dute baita ere emaitza-kontuak ohiko negozioaren sendotasuna jarri duela agerian, eta entitateak bete dituela aurreikuspenak, gastuei eutsi eta hornidurak txikitu izanari esker. Horrenestez, mozkin garbi bateratua 109 milioi eurokoa da –aurreko ekitaldikoa baino %26 handiagoa– eta, emaitza horri esker, Laboral Kutxa sektoreko entitate errentagarrienetakoa dela azaldu dute. Espezializazioan oinarritutako negozio-ereduaren garapenak ere zerikusia izan du ekitaldiko eboluzio positiboan, euren esanetan.
Iazko ekitaldian zehar, Laboral Kutxak 20 milioi euroko diru-laguntzak bideratu zituen.