Maier kooperatibak 1.400 langile ditu eta, Tapiaren esanetan, "euskal enpresaren adibide" da. Erresuma Batuan eta Indian ordezkaritzak ditu Maierrek, eta I+G+i-rekiko "bokazio argia" duela, produktuak hobetzeko etengabeko hobekuntzarako arriskuak onartzen dituela eta inbertsioaren aldeko ahalegina egiten duela nabarmendu du sailburuak. Estibaliz Hernaez sailburuordea eta Leire Bilbao zuzendaria izan dira berarekin.
Automobilgintzan lider da Maier; zehazki, diseinu aurreratuan. Premium bezero multzo bat dauka, eta horien artean daude automobilgintzako enpresa garrantzitsu eta prestigiotsuenak.
Bisita horrekin, gainera, Euskadiko teknologia programak babestu nahi izan ditu Tapiak, izan ere, euskal industriari bere lehiakideen aldean bereizteko ahalmena ematen diote, bere esanetan.
