Nordic walking-a makil bereziekin ibiltzeko teknika da, hankez gainera gorputzaren goialde osoa mugiarazten duena. Bereziki diseinatutako makil batzuekin egiten da eta era leun eta atsegin batez eragiten du onura gorputz osoan.
Adituen esanetan, ibili daitekeen edozeinentzat da aproposa teknika hau eta, bereziki, bizkarreko arazoak, osteoporosia edo gaixotasun kronikoak dituzten nagusientzat; baita gainpisua dutenentzat ere. Kirolariek ere erabiltzen dute teknika hau, euren entrenamendu plana osatzeko.
Musakolako kiroldegiko instalazioek Nordic walking-eko ibiltariak hartuko dituzte otsailaren 28an, 09:30etik 12:30era; eta martxoaren 14an, 09:30etik 11:30era.
Interesatuek izena eman dezakete Musakolako kiroldegian edo 943 77 16 77 telefonoan. Informazio gehiago www.arrasatekirola.com webgunean.
