"Badakit ez dugula mendira joateko giro aproposa eta hobeto gaudela etxean, goxo-goxo. Baina denok izan gara gazteak, ezta? Eta eguraldiaren gorabeherak ahaztuta, hamaika txango egin ditut nik Besaidekoekin eta Euskal Herriko tontor ugari zapaldu ditut. Zer polita den mendia!"; gaurko honetan, Jesus Mari Artzeren argazkia eta kontakizuna baliatuta, mendiaren apologia egiten du Josemari Velez de Mendizabal historiagileak eta argazkikoak zeintzuk diren asmatzera gonbidatzen gaitu.
"Konturatu al zara zenbat neska-mutil agertzen garen argazkian? Ez dut gogoratzen non gauden, baina gehienon itxuraren arabera oso ongi eman genuen igoera, irribarretsu ageri baikara. Ariketa polita duzu, argazkiko lagunak identifikatzea. Ia zenbat asmatzen duzun!", bukatu du kontakizuna Artzek.
Dio, ustez 1968. urte ingurukoa dela argitaratutako argazkia. Hain justu, 1949an jaiotakoen blogean dakar hori guztia.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
