Maitasuna, misterioa eta heriotza batzen ditu, besteak beste, Tosca-k. Ozenki elkartearen eskutik, Amparo Navarro sopranoak emango dio bizitza Tosca protagonistari, baina estatu mailako artista gehiago ere izango dira oholtzan. Horretaz gain, Arizmendi Ikastolako umeek operaren koruak egingo dituzte.
Emanaldia ikustera joateko, 30 eurotan erosi ahal izango dira sarrerak. 23, 24 eta 25 lerroetakoek, berriz, bost euro gutxiagotan eskuratuko dituzte sarrerak.
Arrasate.eus eta Ticket.kutxabank.es webguneetan jarriko dituzte salgai, baina ozenkielkartea@hotmail.es helbidera idatzita edo Amaia antzokiko leihatilan ere lortu ahal izango dira.
