Glu Glu antzerki taldearen azken obra domeka honetan, hilak 15, helduko da Arrasateko Amaia antzokira (19:30): De cuerpo presente. Heriotzazko komedia deitu diote obrari, eta barrea eragiten ondo dakiten aktoreak igoko dira agertokira: Gorka Aginagalde, Loli Astoreka, Galder Perez, Mari Cruz Melgosa eta Ylenia Baglietto. Perezek eta Aginagaldek sortutako obra da eta Perez ibili da zuzendari lanetan. Diru gosearen eta eskuzabaltasunaren "alderdi sakonena" lantzen du antzezlanak, gaubeila baten kokatua, eta, jakina, umore klabean.
ildakoa, zikoitza eta xuhurra, bizirik dago. Gainerakoek ez dute ikusten eta entzuten, baina bertan dago, haren arimak ez du atseden hartzen: "Zer gertatuko litzateke, hilkutxan zaudela, zure inguruan gertatzen den guztia entzungo eta ikusiko bazenu?". Herentzia kontuak azaleratuko dira agertokian, adibidez.
Sarrera hamar euro ordaindu beharko da. Udalaren webgunean salgai daude eta leihatilan bertan ere erosi ahal izango dira.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.