Australiarraren lanik lirikoena, Nocturama, euskaratu eta zuzenekora ekarriko du Txuma Murugarrenek. Gau bakarrerako gertatu zuen errepertorioa abendurako, Bilboko Campos antzokian jotzeko, baina omenaldi berezia agertoki gutxi batzuetara ere eramatea pentsatu du gipuzkoarrak. Arrasate da horietako bat eta, hitzordua, eguenean 22:00etan gaztetxean.
Nick Cave-n lana ezagutzera emateko asmoekin hasi eta 2003ko Nocturama hautatu zuen errenteriarrak. Australiarraren lanik ezagunena ez bada ere, pianoan oinarritzen den diskoa da, egokia moldaketetarako, eta Murugarrenek berak abestien lirikotasunarengatik azpimarratzen du lan hori. Rafa Acebesek pianoan eta Luis Ruizek baxuan jardungo dute agertokian Murugarrenekin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
