Arrasateko merkatu txikia bertan behera laga dute eguraldiarengatik

Eten barik ia eta kopuru handian euria egingo duela-eta, Arrasaten Biteri plazan barikuetan egiten duten merkatu txikia bertan behera geratu da, goizeko lehen orduan ateratako argazkiak erakusten duen bezala. Iragarpenari dagokionez, indarrean da abisu horia haizete eta euritearengatik. Tenperaturek behera egingo dute baina iluntzean elur maila oraindik 1.100 metrotan egongo da. Asteburuak aurrera egin ahala, egoerak okerrera joko du eta bihar, zapatua, 300 metrora jaits liteke. Ikus iragarpena Euskalmeten.