Warsong, Kooltur Ostegunetan

Zaragozako (Espainia) punk-rock eta hardcore eszena emankorretako taldeetan (Electroyonkis, Insomnio, No Scape...) ibilitako zenbait lagunek Warsong taldea sortu zuten 2010ean. Beraien eskaintzak asko dauka punk-rocketik, hardcore-punketik eta melodia oso landuta dute. Behin baino gehiagotan gogora ekartzen dituzte Wipers, Adolescents eta Agent Orange, besteak beste. Taldeak oso harrera ona du, eta horren erakusle da dagoeneko Europatik barrena hiru bira egin dituztela eta iaz AEBetan ere kontzertuak eman zituztela. Beraien lanak AEBetan, Alemanian eta Kroazian argitaratu dituzte. Arrasaten, prestatzen ari diren disko berriko kantuak aurkeztuko dituzte.