Maiatzean Arrasate Margo Taldeak 25. urteurrena ospatuko du, eta, horren harira, erakusketa bat eta bazkari bat antolatzeko asmoa dute. Data zehatzik finkatu ez duten arren, Kulturaten egingo dute erakusketa, eta bertan, taldeko kide diren eta izan diren guztien lanak bildu nahi dituzte. Horietako askoren kontakturik ez dutenez, publikoki egin nahi izan diete gonbidapena, eta eskatu diete erakusketan edo bazkarian parte hartu nahi dutenei arrasatemargotaldea@gmail.com helbidera idatz dezaten.
Erakusketaz eta bazkariaz gain, ordea, urteurrena ospatzeko eta, era berean, taldearen historia biltzeko, liburuxka bat kaleratzeko asmoa dute Arrasate Margo Taldekoek, Udalaren laguntzarekin. Bertan, argazki eta testu bidez, orain arte egindakoa jaso nahi dute, batetik, oroigarri gisa gordetzeko, baina, bestetik, aurrerantzean taldeak egindako lanaren testigu izan dadin.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.