Zalduspe-Osinaga zubitik egunero ibiltzen direnek pasabide erosoagoa izango dute laster. Izan ere, Udalak konponketa lanak egingo ditu datorren astelehenean hasita, zubiaren egitura babestu, argiteria osatu eta zorua aldatzeko.
Batetik, “Cortén” izena duen altzairuzko egitura hondarra presioan botaz garbituko dute. Izan ere, Udalaren esanetan, material horrek berez herdoil itxura hartu arren, ohi baino gehiago herdoildu da.
Argiztapena osatzeko, berriz, farola berriak jarriko dituzte.
Zubiaren zorua aldatzeko beharra ere ikusi du Udalak, bustita edo izoztuta dagoenetan irristakorra delako, eta horrek arriskua dakarrelako oinezkoentzat. Hori dela eta, erabiltzaileak, konponketa lanen berri izatean, pozik agertu dira.
Lanek irauten duten artean (bi hilabetez, gutxi gorabehera), astelehenetik aurrera, zubia itxita egongo da, eta erabiltzaileek itzuli handiagoa egin beharko dute alde batetik bestera igarotzeko.