Hiri antolamenduaren plan orokorrari alegazioak aurkezteko azken eguna da gaur

Udaleko ordezkariak erakusketa ireki zen egunean, urtarrilaren 8an.

Arrasateko Hiri Antolamenduaren Plan Orokorraren (HAPO) gaineko erakusketa urtarrilaren 22an itxi zuten. Hala ere, Plan Orokorrari egin beharreko alegazioak gaur arte, hilaren 27ra arte, aurkeztu ahalko dira. Alegazioak BAZen aurkeztu beharko dira, goizez edo arratsaldez. Udalak, aurkeztutako alegazio guztiak aztertuko ditu, eta alegazioa egin dutenek erantzuna jasoko dute etxean. 

Erakusketa urtarrilaren 8an ireki zenetik "jende askotxo" pasa da Kulturateko klaustrotik: "Planaren agiria nahiko teknikoa denez udal langile bat dago bisitariei planaren gaineko zalantzak argitzeko", adierazi dute Arrasateko Udaletik. Herritarrek alegazioak jarri ahalko dituzte urtarrilaren 27ra arte.  

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.