Datorren astebururako, berriz, mendiko eski ikastaroa antolatu dute. 166 euro balio du izen-emateak, baina federatuek 140 euroren truke egin ahal izango dute ikastaroa eta 21 urte artekoek %65eko deskontua izango dute.
Hileko azken asteburuan, izotzetan eskalatzen ikasiko dute. Hasiberriek hastapen mailako ikastaroa jasoko dute, eta dagoeneko arituak direnek trebatzeko aukera izango dute.
Bi ikastaroetarako izen-ematea zabalik dago, baina plazak mugatuak dira, eta gomendagarria da lehenbailehen izena ematea.
Urtea, mendirik mendi
Otsailaren 14-15eko asteburuan egingo dute lehen mendi irteera. Erraketekin joango dira, eta sagardotegia izango dute ondoren.
Horrez gain, besteak beste, martxoan eskola arteko ibilaldi neurtuak izango dira Arrasaten bertan; ekainean, Besaideko beteranoen martxa egingo dute Adarrara, ibilbidea Hernanin hasi eta Andoainen bukatuta; uztailean, berriz, Pirinioetara eta Moncayora joateko asmoa dute.
Gainera, urte osoan, Arabako lautada etapaka zeharkatuko dute, hamabi tartetan banatuta, martxoan hasi eta azarora bitartean, hain zuzen ere.
Egitarau osoa hemen.
