Anjel Oiarbideren ordez Karmele Olabarrieta etorriko da gaur Gure Esku Dagoren aurkezpenera

Arrasateko Gure Esku Dagok bilera irekia deitu du gaur, hilak 14, Kulturaten (19:00). Bada, azken orduko aldaketa baten berri eman dute: "Angel Oiarbideren azken orduko gaixotasuna dela-eta eta bere ordez Gure Esku Dago ekimeneko idazkari Karmele Olabarrieta izango da solasaldian". Bilerak bi helburu izango ditu: 2015erako erronkak aurkeztuko dituzte batetik eta taldean parte hartzeko gonbidapena luzatuko dute bestetik. 2014an egindako ekintzen balorazio bat ere egingo dute bideo eta guzti. Gura duenarendako ateak zabalik izango dira.