Abenduaren 26ko istripuan herritar askok izandako erreakzioaren harira, esker mezua zabaldu du Arrasateko Udalak. Ohar bidez eskerrak eman dizkie ezbeharra izan zuten pertsonei laguntza emateko errekara sartutako herritarrei. Pertsona bat salbatu zuten herritarrek eta Udalak elkartasunezko jarrera aktibo hori, "ganora", txalotu gura izan du.
Arrasateko Udalaren oharra:
Ganorazko jarrera
Ohar honen bidez, eskerrak eman nahi dizkizuegu abenduaren 26an, auto istripua izan zuten pertsonak laguntzeko errekara sartu zineten herritarrei. Pertsona baten bizitza salbatu zenuten, egoera latz haren aurrean begira geratu beharrean, jarrera aktiboz erantzun zenutelako.
Zuek egun hartan izan zenuten jarrera eredugarria da denontzat. Eta horixe da, hain zuzen, Arrasatear guztiengan ikusi gura dugun jarrera aktiboa, zuek bezala elkartasunez eta elkarlanez jokatzera bultzatuko gaituena.
Eskerrik asko, beraz, aurrekoan izandako jokaeragatik. Ez ezazue galdu sekula ganora hori!
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
ASTEBURUETAKO BULETINA
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
Harpidetza aukera guztiak