Hasi dira saneamendurako lanak Goienaren egoitzaren atarian

Gaur hasi dira Goienaren egoitzan egin beharreko saneamendu lanak. Arrasateko Udalak jakitera eman duenez eraikin pareko zanga zabaldu beharko dute eta ondorioz eraikinaren pareko espaloia eta aparkalekuak itxi egin beharko dira. Zehazki esateko, Goienarako sarreratik Gazteluondora igotzeko eskaileretara arteko tarte horretan eragingo dute lanek: "Behar bezala egongo da seinaleztatuta itxitako espaloi zatia eta aparkalekuak zeintzuk diren", dio Udalak. Lanok urtarrilaren 26ra arte iraungo dutela aurreikusten da.