Gaurko aurkezpenean bazkideek izango dituzten abantailak eta betebeharrak azaldu dituzte besteak beste, eta horretarako bideen berri ere eman dute: ereindajan@bagara.net helbide elektronikora idaztea, 943 79 68 48 edo 688 63 49 19 telefono zenbakietara deitzea edo propio sortutako blogera jotzea.
Bete dira pare bat urte Bagarak Erein Da Jan elkartea sortu zuenetik. Bi helburu nagusirekin jaio zen: Debagoienean lehenengo sektorearen egoera hobetzea eta herritarren kontsumo eredua aldatzea. Orain arte barrura begira aritu dira lanean bereziki eta orain herritarren inplikazioa behar dute aurrera egiteko. Hau da, bazkide berrien bila dabiltza; izan ere, 80 bat dira egun eta 200 inguru lortzea dute helburu. Hasteko, ezinbestekoa izango zaien topagunerako egoitza –ez dute denda soil moduan definitu gura– lortu dute Arrasaten. Emaus denda zena hain justu, eta 2015eko martxoan martxan jartzea espero dute.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak