Txapelketa irabazteko faborito nagusia Katalunian bizi den Orelvis Perez Mitjans kubatarra zen. Baina, azkenean, arazo pertsonalak tarteko, ezin izan du Arrasateko txapelketan parte hartu.
Alejandro Franco
Alejandro Franco madrildarra izango da faboritoetariko bat. 8 aldiz lehiatu da Arrasaten Franco eta horietatik 6tan txapela lortu du.
Bi faborito horiez gain, txapelketa duina egiteko asmotan daude Asier Etxagibel, Luis Angel Ortega eta Josu Tornay.
Zhen Low 12 urteko gaztea
Aurten, ikusmin berezia piztu du Singapurreko Zhen Low gazteak. 12 urte besterik ez dituen jokalariak maila bikaina duela erakutsi du. Egunotan Europan dabil punta-puntan dauden jokalarien aurka lehiatzen, eta oso emaitza onak lortu ditu.
Txapelketa atzo hasi zen eta abenduaren 27an amaituko da. Lehiak Arrasate San Andres X.E.ko lokalean izango dira, Jose Luis Iñarra 32 zenbakian, Arrasaten.