Ebolaren aurkako protokoloa ezarri diote 44 urteko mondragoetar bati. Sierra Leonatik etorri berri da duela 10 egun eta gaixotasun hori izan dezakeelakoan Donostia Ospitalean ingresatu dute. Egonkorra da haren egoera, Osakidetzatik adierazi dutenez. Atzo ezarri zioten protokoloa ondoezik sentitu eta etxetik Donostiara eroan zutenean.
Azterketa makrobiologikoak egin dizkiote eta emaitzak jakin arte ez dute bestelako informaziotik emango, harik eta gaixoaren egoera egonkorra bada. Azterketa horien lehen emaitzak gaur jakingo dituzte.
Bestalde, Osakidetzatik lasaitasun mezua bidali nahi izan dute, ebolaren aurkako protokoloak "egoki funtzionatzen" duelako, bai "lehen mailako artapen zerbitzuetan, larrialdietan eta ospitaleetan".
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.