Adinaren araberako finalak jokatu zituzten: aurre-benjaminak, benjaminak, alebinak eta infantilak. Aurre-benjaminetako lehen mailan Arantzabal izan zen nagusi Belarren kontra (16-12), eta aurre-benjaminetako bigarren mailan Garitaoinaindiak irabazi zuen Erañaren kontra: 16-9. Benjaminetako finalean, Abasolo gailendu zitzaion Erañari: 18-10.
Alebinetan ere bi final jokatu zituzten: lehen mailan Sarabia izan zen txapeldun. 18-11 irabazi zion Barandiarani. Bigarren mailan aldiz, Erañak jantzi zuen txapela Bengoaren kontra irabazi ostean (18-7). Azken finala, infantil mailakoa izan zen. Etxezarretak 18-8 irabazi zuen Gonzalezen kontra.
Egubakoitzeko finalekin bukatu zuten santamasetako torneoa. 50 bat pilotari aritu dira azken hiru hilabetean.