Jesus Mari Zabarte Garratz Arrasateko preso ohiak, El Mundo egunkarian egindako adierazpenetan terrorismoa goratu zuelakoan FVT-k egindako salaketa tramitera onartu du Espainiako Fiskaltzak. Gainera, Terrorismoaren Aurkako Fundazioaren arabera, Fiskaltzak inputatu gisa deklaratzera deitu du Zabarte, elkarrizketa horretan terrorismoari gorazarre egin ziolakoan. AVT-ek ere eman zion Fiskaltzari elkarrizketa horren berri eta Audientzia Nazionaleko epaile Santiago Pedrazek terrorismoa goratu izana leporatu zion azaro amaieran.