Julio Galarta Pintorearen Lagunak elkarteak paisajista ezagunaren lana balorean jarri eta ezagutarazi gura du, hala herrian nola kanpoan. Hain zuzen, Erdiko kaleko Maza dendako erakuslehioan haren zenbait lan jarri dituzte ikusgai eta horiek erosteko aukera dago. Salmenta honekin, elkarteak dirua batu gura du. Dibulgazio lan horretan sakontzeko ikerketa-beka bat ere abiatu dute Arte Ederretan lizentziadunentzat. 800 eurokoa da beka. Onuradunak elkarteak dituen margoen katalogazio tematikoa egin beharko du eta paisaien kokapena antzeman, besteak beste.