Herritarrek aukera izango dute, modu honetan, bertso jaialdiko gaiak proposatzeko. Gaiak proposatu gura dituztenek, abenduaren 18ra arteko epea izango dute. Gaiak proposatzeko moduak ondokoak izango dira:
- AEDra idatzi: aed@aedelkartea.com
- Irati tabernan jarritako kutxan utzi proposamena
- AEDren egoitzako postontzian utzi proposamena
Gaiak aukeratzerakoan kontuan izango dute hainbat xehetasun: baztertuak izango dira iraingarriak izan daitezkeen edota pertsonen intimitateari eta errespetuari eraso egin diezaioketen proposamenak. Gainera, jaialdiko gai-jartzailearen esku geratuko da proposatutako gaiak nola formulatu, saioaren edukia eta antolaketa modu egokienean prestatu ahal izateko.
Jaialdiko sarrerak
Bertso saioko sarrerak salgai daude ondoko lekuetan: AED elkartean eta Irati, Monte eta Kajoi tabernetan. Egunean bertan ere erosi ahalko dira Antzokiaren leihatilan, 19:30etik aurrera. Prezioa izango da, 10 euro sarrera arrunta eta 8 euro AEDko bazkideentzat eta Goiena Klubeko kideentzat.