Arrasateko PSE-EEk etxeetara bidaliko du gutuna ondorengo egunetan. Modu horretan, herritarrei eskatu gura diete 2015eko hauteskundeetako programaren zati bat osatzen laguntzeko.
Proposamenak egiteko bideak
Herritarrek kexak, iradokizunak, ideiak... bidaltzeko aukera izango dute. Hiru modu daude horretarako:
- Telefono bidez, 943 79 69 42 zenbakian.
- Posta elektroniko bidez, socialistasdearrasate@gmail.com helbidean.
- Gutunean jasoko duten inprimakiaren bidez.
Arrasateko sozialistek diote, modu horretan "guztiontzako egokia" den programa landuko dutela.
Marko ideologikoarekin bat egitea
Oscar Garcia alkategaiak dio "herritarren beharrei" erantzungo dien programaren aldeko apustua egiten dutela. Gaineratu du, proposamenak aintzat hartuko dituztela; hala ere, kontuan hartuko dute proposamen horiek "PSEren marko ideologikoarekin" bat egitea.
