Auzoetako boloak auzoko alkatetzek antolatzen dituzte. Uarkapen egin dena, berriz, Udalak. Azken horretan, aurtengo berrikuntzetako bat izan da zinegotziek jaurtitzen zituzten gozokien artean, bidezko merkataritzako produktuak zeudela. Denera banatu dituzte 500 euro gozokitan. Horrenbestez, ondo bete dituzte umeek hutsik eraman dituzten plastikozko poltsak.
Aurtengo beste nobedadeetako bat izan da umeak lau taldetan banatzea –0-3 urte, 3-6 urte, 6-9 urte eta bederatzi urtetik gorakoak–. Kaotiko xamarra izaten zela-eta, Udalak hartutako erabakia izanda eta lehendabizikoz sailkatu dituzte lau taldetan haurrak. Udaletik adierazi dute hobetze aldera egin dutela saiakera. Eta egia esan, amaieran, hainbat gurasok esan dute aurtengo antolakuntza gustukoago izan dutela.