Abade, arkeologo, etnologo, euskaltzale eta, batez ere, humanista izan zen On Jose Migel, eta haren obra arlo horietatik aztertu du hizlariak, "zientzia gizon erraldoi" horren garrantzia ulertzeko.
Bigarren zatian, Barandiaran eta Arrasate gai espezifikoari heldu dio Velez de Mendizabalek. Leze Txikiko indusketetan 1956 eta 1968 urteen artean aritu zen ataundarra eta arrasatear herriarekin harreman zuzena eta estua izan zuen.