Goienagusi elkarteak antolatutako hitzaldia izango da, Josemari Velez de Mendizabalek Kulturaten eskainiko duena; hala ere, nabarmendu dute gaian interesa duen edonork izango duela hitzaldira sartzeko aukera.
Barandiaranen lanen garrantzia
Jose Migel Barandiaran Fundazioko presidenteak bi zatitan eskainiko du hitzaldia. Lehenengoan, Barandiaranen biografia izango du hizpide. Abade, arkeologo, etnologo, euskaltzale eta batez ere humanista izan zen Barandiaran. Arlo horietan egindako lana aztertuko du.
Arrasaterekin izandako harremana
Bigarren zatian, Barandiaran eta Arrasate gaia hartuko du ardatz. 1956-1968 artean Leze Txikiko indusketetan ibili zen ataundarra, eta ondorioz Arrasaterekin harreman estua izan zuen.
Hitzaldia Kulturaten izango da, eguaztenean, 10:00etan.
