Eragile ugarik egin dute bat Arrasatek Hezi ekimenarekin

Hezkuntza formaleko eragileekin egindako lehen bilera.

Arrasate ikuspegi hezitzaile batetik hobetzea da Arrasatek Hezi ekimenaren helburu orokorra. Horretarako, Arrasateko Udaleko Hezkuntza Sailak, Txatxilipurdik eta Bagarak parte-hartze prozesu bat abiatu zuten urri amaieran; hiru bilera egin dituzte, hezkuntza formaleko eragileekin, ez formalekoekin eta eragile sozialekin; 70 bat pertsonek hartu dute parte modu zuzenean. Izan ere, sustatzaileek uste dute heztea ez dela bakarrik eskolaren eginbeharra, gizarte osoarena baizik.

Prozesua baloratzeko orduan hiru ideia azpimarratu dituzte: prozesua "beharrezkoa" da, saioen dinamizazioa "ongi" baloratu da eta ideia orokorretatik zehaztasunetara joatea "zaila" izango da. Abenduan beste bilera bat egingo dute hiru eragile horiekin, eta baita haurrekin, nerabeekin zein gazteekin. Urtea amaitu ostean balorazio sakon bat egin eta hartu beharreko bidea zehaztuko dute. 

Galdetegiak, abenduaren 10era arte

Gainera, herritarrendako galdetegiak abenduaren 10era arte erantzun daitezke; herriko hainbat txokotan daude eta digitalki ere bete daitezke, lotura honetan klikatuz. Prozesuaren jarraipena egin daiteke blog horretan. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.