Besaide mendizale elkarteak datorren hilean tramitatuko ditu elkarteko bazkidetzak eta federatu lizentziak. Horrela, hainbat aukera jarri dituzte eskura izen-emateak, bajak, datu aldaketak edota bestelako kontsultak egiteko. Batetik, elkartea zabalik egongo da abenduaren 2tik 4ra, 19:30etik 20:30era. Bestetik, posta elektronikoz ere egin ahal izango dira tramiteak, besaide@besaide.org helbidera idatzita.
Bazkide izateko, hurrek zazpi euro ordaindu beharko dituzte, gazteek bederatzi eta helduek zein 65etik gorakoek hamalau. Horren truke, Besaideko materiala alokatzeko aukera izango dute eta beherapenak eskuratuko dituzte. Horrez gain, bazkideei datuak eguneratzeko dei egin diete; batez ere, posta elektronikoak.
Hain zuzen, federatu lizentzien baldintzak, aukerak eta tarifak Besaideren webgunean daude ikusgai.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.