Mondrak Deban jokatuko du bihar hamaikagarren jardunaldiko partidua, sailkapenean lau postu aurretik duen Amaikak Bat taldearen kontra. Bederatzi jardunalditan zazpi garaipen lortu dituen taldea da Debakoa, eta, gainera, azken bi partiduak irabazita, ez zaie zelaira konfiantzaz beterik irteteko arrazoirik faltako. Jon Iregi Mondrako bigarren entrenatzaileak "partidu gogorra" aurreikusten du, aurkari "gogor eta teknikoaren" etxean puntuak lortzea zaila dela aitortuta.
Hala ere, Iregik esan du taldea oso ondo" ikusten duela eta baduela konfiantza jokalariengan. Gainera, uste du joan den jardunaldian getariarren aurka garaipen denboraldia hautsi zuen porrota eskuratu arren, joko aldetik "itxura eman" zutela, eta, erakutsitako intentsitate bera mantentzen badute, bihar aukerak izango dituztela. Esan du, baita ere, partiduz partiduko lanketa egiten ari direla, eta ez dutela utziko joan den asteko porrotaren itzalak euren zapatuko jokoa kalte dezan.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.