Zaharrenek 800 metrokoa egin beharko dute eta gazteenek, 100 metrokoa. Tartean, adinaren arabera proportzionalki murriztuko da korrikalariek bete beharreko distantzia.
Helduen krosa, berriz, 12:30ean hasiko da eta kuadrillaka lehiatu beharko dute. 6,4 kilometroko ibilbidea egin beharko dute, guztira, herriko plazan hasi eta bukatzen den zirkuituari lau buelta emanda.
Puntuazioa neurtzeko, kuadrilla bakoitzeko lehen bost korrikalarien denborak hartuko dira kontuan. Izena emateko bost euro ordaindu beharko dira.
Ibilbidea
Herriko Plazan hasi, eta Arrasate pasealekuan zehar, Zerkaosteta kaleraino joan beharko dute lehenik korrikalariek. Hortik, zuzen jarraitu eta Biteri plazan biratu ondoren, Abaroaraino iritsi beharko dute, Garibai kalean zehar. Bertan, buelta eman eta kale beretik Maalako biribilguneraino egin beharko dute korrika, Maalako Arrabaletik eta Seber Altubetik pasata, Arbolapetaraino iristeko. Azkenik, berriro Seber Altubetik igarota, hasitako leku berean amaituko da ibilbidea.
