Herriko langabeak kontratatzeko laguntzak urte amaierara arte eska daitezke

Urte amaierara arte dute epea Arrasateko langabeak kontratatu gura dituzten herriko enpresek, Udaleko diru-laguntza eskatzeko. Gutxienez 6 hilabeteko kontratuak eskaintzeagatik, Udalak enpresari 2.250 euroko laguntzak emango dizkio, baldintzak betez gero.

Arrasateko Udalak herriko enplegua sustatzeko egindako egitasmoen artean 100.000 euro bideratu ditu herriko enpresetan langabeen kontratazioa bultzatzeko. 50 langile ala gutxiago dituzten enpresek eskatu ditzakete laguntzak eta kontratuek gutxienez 6 hilekoak eta jardun osokoak izan beharko dute. Horren trukean kontratu bakoitzeko 2.250 euroko laguntza jaso ahalko dute eskatzaileek. Eskabideak eta informazio gehiago, BAZen.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.