Bi irizpide nagusi adostu dira Etxaluze eta Musakola lotuko dituen bizikleta biderako. 30 kilometro orduko abiadura muga duen errepide tartean, bizikletendako segurtasuna bermatzen bada, bidea partekatuko da autoekin. Aldiz, 40 kilometro orduko abiadura muga dagoen errepide tarteetan bizikletendako bide berezitua egongo da, beti ere bideak eta espazioak uzten badu.
Oinezkoei ez zaie lekurik kenduko
Bigarren irizpidea izan da bizikleta bideak egiteko ez zaiela oinezkoei lekurik kenduko. Bestalde, obren exekuzioaren inguruan, mahaiaren proposamena da obra osoa ahalik eta lasterren eta aldi berean egitea. Edozelan ere, faseetan eginez gero, obrak bi zatitan egin beharko lirateke: Maala eta Musakola arteko zatia batetik, eta Kontzezino eta Maala artekoa bestetik.
