Era berean, protesta egiteko "eskubide osoa" dutela diote: "Ez dugu uste San Juanen sexualitatea dudan jartzeak inor irain dezakeenik. Sexualitatea ez da gizon edo emakume izateaz definitzen, askoz zabalagoa da. Iraindua sentitu denak ez du pertsonen arteko berdintasunean sinisten, eta hetero-arauen menpe bizi da. Lanean jarraituko dugu gizarte hetero-patriarkalarekin amaitu arte". San Juanen irudia berritzera ari dira orain.
Urriaren 31n San Juan Bataiatzailearen irudiari "San Juan edo Santa Juana?" mezua jarri ziotenek gutun bidez jakinarazi diote Goienari ez dutela zerikusirik izan abuztuko apurketa eta lapurretarekin: "Arrasateko ondarearen parte diren elementu guztiak errespetatzen ditugu". Eurena "ekintza sinbolikoa" eta "aldarrikapen politikoa" dela diote: "Gure helburua eredu patriarkalaren inguruko eztabaida sortzea da. Eliza da gizartearen askatasunei muga jartzen diena".
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak