Bolada onari jarraipena emateko gogor lan egin behar du Mondrak

Gotzon Urzelairen taldeak domekan jokatuko du Mojategin Zestoaren aurka, 16:30ean; puntu bakarreko aldea dute bi taldeek sailkapenean. Etxetik kanpora partidua irabaztetik dator Mondra. Hiru puntu ekarri zituzten Soraluzetik (0-2 irabazita). Gainera, azkeneko bi partiduak irabazi dituzte; hala ere, Urzelai entrenatzaileak ez du baikorregia izan gura eta partiduz partidu joan behar dela azaldu du.

"Egia esan aurten ez dugu jarraitu Zestoa. Iazko taldea, talde beteranoa zen, fisikoki indartsuak. Horrelako taldeek ez dute jokatzen uzten", azaldu du Urzelaik aurkaria nolako taldea den galdetuta. Mojategira bisitan etorriko diren talde gehienen moduan, atzean sartu eta itxaron egingo duen taldea izango dela uste du Urzelaik: "Atzean sartzen dira, eta kontraerasoan irten. Partidu zailak izaten dira horiek", gaineratu du. Orain arteko partidu guztiak ere zailak izan direla azaldu du entrenatzaileak.


Urzelaik argi dauka Mondrak ondo egin behar dituela gauzak. Hasieratik indartsu eta intentsitatearekin irten behar dute, izan ere gauzak gaizki eginez gero galtzea samurra dela ikusi dute: "Aktibo eta bizi irten behar dugu hasieratik".

 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.