Bi asteburutan banatuta, lau emanaldi egingo dituzte Amaia antzokian: azaroaren 22, 23 eta 29an, 19:30ean eta azaroaren 28an, 20:00etan. Asteon jarri dituzte sarrerak salgai; Amaia antzokio lehiatilan eskura daitezke eta on-line bestela honako helbidetan: arrasate-mondragon.net eta ticket.kutxabank.es.
Ezinezko maitasunaz
Zarzuela gehienetan moduan, maitasun istorioak ditu La Rosa de Azafrán-en kontakizunak oinarrian eta gizarte klase ezberdinetako amoranteak dira oraingoan protagonistak.
Izaskun Murgia Elkarte Lirikoko abesbatzarekin batera, honakoak izango dira Amaia antzokiko taularen gainean kantuan: Ruth Osinaga, Igor Ganboa, Cristina Cubillo, Mikel Izurrategi, Arkaitz Garrido, Mertxe Salaberri, Luis Okina eta Enrike Altuna.
