Ia hiru orduko iraupena duen ikuskizuna da eta komedia eta tragedia nahasten ditu. Operan honetan, 100 lagun baino gehiagok hartzen du parte: bakarlariak, orkestra eta koruak. Ricardo Canessa da obraren zuzendaria. Napoliko San Carlo Opera Teatroko kidea da. Eta, musika zuzendari lanetan, berriz, Eslovakiako Opera Nazionaleko Martin Mazik.
Drama barregarria
Don Giovanni drama barregarria da. Komedia eta melodrama nahasten ditu, honenbestez. Pragan estreinatu zen 1987ko urriaren 29an. Operen opera moduan hartua izan da Mozarten lan hau. Don Juan, gizon prestu bezain tunantea, emakume losintxaria, inolako etikarik bakoa, da protagonista eta Leporello morroia du lagun. Haien pasadizo eta gorabeherak kontatzen ditu operak.
Emanaldia puntu-puntuan hasiko da, 20:00etan eta ateak ordu erdi lehenago irekiko dituzte. Ozenki elkartekoek ohartarazi dute garrantzitsua dela garaiz ibiltzea.