Liderra samur hartu dute mendean arrasatearrek 41-5 irabazita

Partidu bikaina jokatu dute goizean Igor Isasiren mutilek Mojategin. Gernika hartu dute aurrez aurre; eta, liderraren aurrean kikildu beharrean, euren onena atera eta samur gailendu zaie. Talde joko ona egin dute, bai defentsan eta baita erasoan ere.

10. minuturako 3-0 aurretik zeuden etxekoak. Ondoren, entsegu bat sartu dute, markagailua 8-0 ipiniz. Lehenengo zatiko azkeneko 3 minutuetan Gernikak egin du entsegua: 8-5.

Bigarren zatian, bost entsegu

Bigarren zatia bost entsegu egin dituzte etxekoek, markagailua 41-5 ipiniz.
Garaipenarekin, Arrasate errugbi taldeak lidergoa hartu du. 14 puntu izatetik 19 izatera pasa dira; eta Gernikak 15 punturekin jarraitzen dute. "Iaz Gernikak ez zuen taldea atera eta horregatik ez genekien nolakoak izango ziren", zioen partidu amaieran Isasik. "Garaipen garrantzitsua" izan dela gaineratu du.
Datorren astean Bilbon defendatu beharko dute lidergoa arrasatearrek. "Bilboko taldea ere ez dugu ezagutzen", azaldu du Isasik. Arrasatearrek euren jokoa egitera joan beharko dute.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.