RIPeko Karlos eta Porturi gertukoen keinua

Zapatuan batu ziren, bi urtean behin egiten duten moduan, RIP taldeko Karlos eta Porturen gertuko lagunak Arrasaten. Elkarrekin bazkaldu eta askotariko musika estilotako kontzertuaz gozatu zuten gero, La banda del Abuelo, Ladislao eta Screamer & Sinners taldeen eskutik.

Hirukote formatuan eta zale gutxiren aurrean, dotore zabaldu zuen herriko La Banda del Abuelok gaua. Debagoieneko hainbat musikari batzen dituen Ladislaok hartu zuen gero lekukoa poliki-poliki zalez betetzen zioan aretoan. Euren kantuak gainbegiratuz osatu zuten errepertorioaren zati nagusia eta Des-Kontroleko Magurekin batera kantatutako Mundo Muerto abestiarekin egin zioten RIPekoei keinutxoa.

Askorentzako sorpresa izan ziren Screamer& Sinners psikodelikoek borobildu zuten kartela; kantu propioak gainera, RIPen Ahogate, Pisar la sociedad eta No hay futuro jo zituzten

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.