Azken segundora arte borrokatu arren, garaipenak ihes egin zion MUri

EBA mailako lehenengo partidua zuten atzo etxean Ointxeko jokalariek. Kantxara indartsu atera ziren eta lehenengo laurden ona egin zuten; gero, baina, defentsan, eta batez ere errebotean, huts asko egin zuten eta partidua hankaz gora jarri zitzaien. Hala ere, azkeneko segundora arte borrokatu zuten etxekoek, baina hiru puntuko aldeagatik galdu zuten lehia Larreategiren mutilek: 99-102. [ARGAZKIAK].

Ia lehenengo laurden osoan aurretik ibili ziren etxeko mutilak; azkeneko minutuan jarri ziren markagailuan aurretik Mikeldi taldekoak: 21-23.

Bigarren laurdenean defentsan huts asko egin zuten arrasateko jokalariek. Hala, 0-8ko partziala eginda 23-33 aurretik jarri ziren aurkariak. Alde handiegia hartu zuten. Atsedenera 40-52 joan ziren.

Hirugarren laurdenean jokoak berdintsu jarraitu zuen. Etxeko taldea nahi eta ezinean ibili zen. Emaitza: 64-77.

Azkeneko laurdenean, etxeko jokalariek gora egin zuten; horretarako, zaleen babesa ezinbestekoa izan zen. Iturripera joandakoek gogotsu animatu zuten euren taldea, eta aurkariei presioa sartzerako orduan ere gogor ibili ziren. Hala, animoei esker etxeko jokalariek gora egin eta markagailuko aldea murriztea lortu zuten. Hala ere, azkeneko laurdeneko indarraldia ez zen nahikoa izan aurkaria mendean hartzeko. Azkeneko segundora arte borrokatu zuren, baina hiru puntuko aldeagatik Mikeldi izan zen nagusi atzo Iturripen: 99-102.

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.