Bi ibilbide zapatuko Mondran Bike martxan

Besaideren Mendi Astearen barruan egingo dute zapatuan Mondranbike, Arrasateko mendiko bizikleta martxa, (09:00etan Musakolatik hasita). Antolatzaileek bi ibilbide zehaztu dituzte: luzeak 34 kilometro ditu, eta laburrak 22 kilometro. Azken hori hasiberriendako aproposa da, eta antolatzaileek ahalegin berezia egin dute horretan, alegia, bizikletan hasiberriak diren horiek martxara erakartzen. Izan ere, aurten ere ibilbide luzea bidetxurrez betea egongo da –eguraldiak lagundu egingo du– baina ibilbide motzerako ere jendea batu gura dute.

Bi ibilbideak (Hemen dituzue xehetasun guztiak) Musakolan hasiko dituzte. Batean zein bestean, Udala, Galarrixa eta Kurtzetxiki dira punturik garaienak, eta ziklistek bietan gozatu ahal izango dituzte Kurtzetxikiko eta Udalako jaitsiera "ezkutuez": "Gainera, eguraldiak lagundu egingo du, eta jaitsiera horiek errezago egin ahal izango ditu jendeak", adierazi dute antolatzaileek.

Hala, Besaideko mendi bizikleta martxa urtetan antolatzen badabiltza ere, aurten lan-taldea sendotu egin dute, eta horrek beste baliabide batzuk ekarri ditu. Esaterako, amaierako luntxarekin batera ibilbidean zehar bi anoa postu egongo dira, Larriñon eta Aldaigainen. 

ALBISTEAK MUGIKORREAN

Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!

WHATSAPP: Bidali ALTA 688 69 00 07 telefono zenbakira –Whatsapp bidez–.

TELEGRAM: Batu zaitez @GoienaAlbisteak kanalera.