Maritxuren argi-koroaren distira Txinaraino iritsi da aurten ere. Atzo, zapatua, Shanghain bizi diren euskaldunek, Maritxu Kajoi ospatu zuten. Hango Euskal Etxeak antolatu du seigarren urtez, arrasatearren laguntzarekin, eta primeran pasa zuten.
Urtero egiten duten moduan, dotore-dotore jantzi eta afaltzeko geratu ziren. 75 bat lagun batu ziren mahaiaren bueltan; arrasatearrak ez ezik, Euskal Herriko zenbait herritakoak –Bergara, Durangaldea, Zarautz...– eta baita japoniar batzuk ere.
Shanghaitik jakinarazi dutenez, Maritxu ahalguztiduna da eta han ere egin du miraria: "Eskapularioak ekarri ditu azken-azken orduko miraria eginda", esan dute.
Jaiak goizaldera arte iraun du.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Bidali ALTA 688 69 00 07 telefono zenbakira –Whatsapp bidez–.
TELEGRAM: Batu zaitez @GoienaAlbisteak kanalera.
Zure posta elektronikoan asteburuko albiste nabarmenekin osatutako mezua jasoko duzu. Harpidetu zaitez debalde hemen.
