Arrasateko atletez gain, bailara osotik etorritako gaztetxoak animatu dira atletismoa probatzera: Bergara, Oñati, Aretxabaleta, Eskoriatza, Antzuola, Elgeta eta Aramaio. Oraindik aukera dago izena emateko; interesatuta daudenek ikastetxeetan eman beharko dute izena eta gero Mojategira joan. Eguazten eta egubakoitzetan elkartzen dira, 18:00etatik 19:00etara.
Aurreikuspenak erabat gaindituta hasi du denboraldia Arrasate Atletiko Taldeak. Aurreko urteetan baino haur eta gaztetxo gehiagok eman dute izena. Hortaz, pozik eta ilusioz ekin diote 2014-2015 denboraldiari: "Atleta belaunaldi berriek euren aurrekoen markak hausteko helburua izango dute, eta lan horretan klubak jarriko dituen begiraleen laguntza jasoko dute", adierazi du Fernando Zufiriak.
ALBISTEAK ESKUKO TELEFONOAN
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.
Harpidetza aukera guztiak