Fagor Etxetresna Elektrikoen ondasun aktiboak behin betirako CNA Taldeari saltzeko sinadura, datorren astera arte atzeratu da. Hala eman du aditzera Fagor Etxetresnak-CNA Taldeak. Adierazi dutenez, "arrazoi juridiko eta administratiboek eragindako nahigabeko atzerapenengatik.
Era berean, gogorarazi du Fagor Etxetresnak-CNA Taldeak lanean diharduela enpresa plana azkartu eta proiektu berria pixkanaka-pixkanaka martxan jartzeko, uda osoan zehar egin duen moduan.
Fagor berria abian jartzeko epeak betetzen dihardutela eta langile berriak oso modu aktiboan kontratatzen dihardutela gogorarazi du. Eta, amaitzeko, adierazi du, ondorengo egunotan emango dutela jarduera industrialaren hasieraren berri.
Debagoieneko albiste nabarmenenak eta azken ordukoak Whatsapp edo Telegram bidez jaso gura dituzu? Harpidetu zaitez doan!
WHATSAPP: Batu zaitez Goiena albisteen kanalera.
TELEGRAM: Batu zaitez GoienaAlbisteak kanalera.