Batetik, literatura solasaldiak datoz. Ekimen errotua da; aurten ba al dago nobedaderik?
Aurtengo berezitasuna da Europako literatura ikasturtearen barruan Luisa Etxenike idazleak eskainiko duen solasaldia. Normalean liburu bat hartzen da eta horren gainean solasaldiak egiten dira literatura-zaleen artean, baina oraingoan literaturan sakonduko du Etxenikek berak. Ikasteko aukera ona izango da. Gainerako ohiko solasaldiekin ere jarraituko dugu.
Iaz Azalerako Ipuinak ekimenak harrera ederra izan zuen. Aurten errepikatzea erabaki duzue.
Bai, 0-3 urte arteko umeendako hiru saio antolatu ditugu aurten. Gurasoei dago zuzenduta bereziki, eta masajeetatik zein ahozko tradiziotik tiratuta oso aberasgarria izaten da ume zein gurasoendako. Guraso berriendako bereziki oso aproposa da, merezi du parte hartzeak.
Ezer gaineratzerik gura duzu?
Oraindik bibliotekara hurbildu ez dena hurbil dadila. Doakoa da, irakurri. Ariketa fisikoaz gain, ariketa mentala ere egin behar da.